VOV4.Êđê- Ti Hà Nội, Phạm Minh Chính, khua knŭk kna kiă kriê klei mă bruă hŏng phŭn bruă lĭng kahan kơ boh tŭ dưn bruă čuăn lĭng kahan thŭn 2021, lehanăn hlue ngă bruă lĭng kahan thŭn 2022, hlue ngă hdră mtrŭn mơ̆ng Phŭn bruă kđi čar hlăm klei mkŏ mjing bruă lĭng kahan yang ƀuôn Việt Nam wưng thŭn 2021 – 2030, lehanăn dŭm thŭn kơ anăp. Blŭ hrăm gĭt gai ti mmông mă bruă, Khua knŭk kna lač, Phŭn bruă lĭng kahan ngă leh jăk bruă mprăp êmiêt kơ klei mă bruă, hŏng djăp ênŭm bruă čiăng, mâo klei đru kčĕ mơ̆ng dŭm dhar bruă djŏ tuôm. Tă êlan kơ dŭm bruă phŭn thŭn 2022, Khua knŭk kna mtă kơ Phŭn bruă lĭng kahan lŏ dơ̆ng mđĭ hĭn klei thâo ksiêm duah, mkă tĭng bi djŏ boh klei, čŏng kăp kčĕ hŏng Đảng, knŭk kna mghaih msir djăp mta klei, amâo mâo lĕ hlăm klei kdjăt, mđing ksiêm dlăng, mâo klei akâo lehanăn mkŏ mjing jăk djăp hdră êlan kluôm, gang mkhư̆ djăp mta klei bi blah, klei mjhĭk mtŭl mơ̆ng hnưm, lehanăn mơ̆ng kbưi mtam./.

Pô mblang: Y-Khem Niê