VOV4.Êđê- Tlam hruê 12/6, Khua knŭk kna Phạm Minh Chính mă bruă hŏng Anôk kriê dlăng bruă Đảng čar Bắc Giang kơ boh tŭ bruă hluê ngă Hdră mtrŭn tal XIII mŏng Đảng lehanăn Hdră mtrŭn Klei bi kƀĭn XIX mŏng bruă Đảng čar Bắc Giang. Leh hmư̆ klei hưn kơ hdră bruă duh mkra – ala ƀuôn mŏng čar, lu phung bi ala sa ai hŏng klei hưn mdah mŏng čar. Klah čŭn ti anôk bi kƀĭn, Khua knŭk kna Phạm Minh Chính bi mni kơ dŭm boh tŭ dưn mâo bruă sang čư̆ êa lehanăn mnuih ƀuôn sang čar Bắc Giang dưi mâo hlăm wưng êgao.

Kơ hdră msir hlăm wưng ti anăp, Khua knŭk kna lač klă; ksiêk kjăp, pŏk ngă tŭ dưn Hdră mtrŭn tal XIII mŏng Đảng lehanăn Hdră mtrŭn Klei bi kƀĭn bruă Đảng čar; ba yua, hluê ngă djŏ hdră mtrŭn mơ̆ng Đảng, hdră bhiăn mơ̆ng knŭk kna lehanăn klei gĭt gai mơ̆ng knŭk kna, mơ̆ng Khua knŭk kna. Mđing kơ bruă ksiêm wĭt, mă klei hriăm, mđĭ lar gru hmô jăk, hdră ngă bruă tŭ dưn čiăng lŏ dơ̆ng mđĭ lar, mjing ai lar bra./.

                                                    Pô mblang: H’Nêč Êñuôl