Hlăm mmông mă bruă, khua gĭt gai dŭm phŭn, dhar bruă leh anăn čar Dak Lak bi trông ksiêm dlăng kơ boh klei mđĭ kyar bruă duh mkra- ala ƀuôn mơ̆ng čar leh anăn wĭt alč, bi klă dŭm boh phŭn čar kčah, akâo hŏng Knŭk kna, Khua knŭk kna. Khua gĭt gai dŭm phŭn, dhar bruă mtă đru Dak Lak yua klei găl, klei mđing mđĭ kyar bruă lŏ hma doh, kdrăp mrâo, mđĭ kyar dhar kreh - hiu čhưn ênguê mguôp hŏng mđĭ kyar ênoh dhar kreh djuê ana; kƀĭn mđĭ kyar anôk buă nah gŭ mrâo mrang; mtô mnuih mă bruă.

Khua knŭk kna mtă kơ čar Dak Lak mđĭ kyar bruă duh mkra - ala ƀuôn mbĭt hŏng mkŏ mjing bruă kđi čar kjăp ktang, mđĭ klei êđăp ênang; mguôp hŏng răng mgang wăl hdĭp mda, mdrơ̆ng hŏng klei bi mlih yan adiê, mă anak mnuih jing phŭn, bi hrŏ ƀun kjăp… amâo mdei mđĭ klei hdĭp mda mnơ̆ng dhơ̆ng, dhar kreh leh anăn ai tiê mnuih ƀuôn sang.