VOV4.Êđê - Tlam hrue mbrue (15/3), ti anôk bruă knŭk kna, Khua knŭk kna Phạm Minh Chính mâo leh klei bi tuôm lehanăn blŭ hrăm hŏng khua Mil čhil Sierra Leone, Julius Maada Bio. Khua knŭk kna bi myuôm dŭm knuang đĭ kyar jăk siam hlăm klei bi mguôp plah wah dua ala čar. Dua nah lŏ mâo lu klei găl hĭn čiăng dưi mđĭ klei bi mguôp boh nik hlăm bruă duh mkra mnia mblei, duh bi liê bruă lŏ hma, bruă sang hră mơar, bruă răng mgang klei êđăp ênang, klei bi hgŭm phung ƀuôn sang...

Khua knŭk kna mta kơ dŭm phŭn dhar bruă, phung duh mkra dua nah bi mguôp kjăp hlue nga tŭ jing jih jang bruă mâo klei găl mơ̆ng dua ala čar, lehanăn pŏk mlar lu bruă mkăn. Khua knŭk kna Phạm Minh Chính lehanăn Khua mil čhil Julius Maada Bio đăo knang kơ klei mjĕ mgiăm hgŭm mbĭt plah wah Việt Nam lehanăn Siera Leone srăng mđĭ kyar nanao kyua klei tŭ dưn kơ puhng ƀuôn sang dua ala čar, kyua klei êđăp ênang lehanăn mđĭ kyar hlăm alŭ wăl lehanăn dlông rŏng lăn./.

Y-Khem pô mblang