Khua knŭk kna Phạm Minh Chính mjưh ruĕ bruă hiu čhưn kơ ala čar Malaysia nao ti anôk bi kƀĭn gưl dlông ASEAN 47
Thứ tư, 10:13, 29/10/2025
VOV TAYNGUYEN
VOV TAYNGUYEN
VOV.Êđê- Mlam mmăt mbrue (28/10), Khua knŭk kna Phạm Minh Chính mbĭt hŏng phung khua prŏng Việt Nam kbiă leh mơ̆ng Kuala Lumpur, Malaysia wĭt kơ Hà Nội, mjưh ruĕ klei bnao bi kƀĭn gưl dlông ASEAN tal 47 lehanăn dŭm klei bi kƀĭn gưl dlông djŏ tuôm mkăn.
Êpul Việt Nam mâo Khua knŭk kna Phạm Minh Chính djă akŏ ngă leh êbeh kơ 20 mta bruă hŏng lu tĭng hlăm klei bi kƀĭn, tă êlan kơ ASEAN mgi dih. Klei bi hgŭm plah wah Việt Nam hŏng dŭm ala čar hgŭm mâo mñă leh hlăm 20 mta bruă bi trông hlăm klei bi tuôm dua nah.
Dŭm klei đru mguôp, klei akâo lehanăn dŭm klei mĭn mơ̆ng Việt Nam mđing kơ bruă yang ƀuôn ASEAN thâo bi mguôp, čŏng pô mđĭ kyar hŏng klei kjăp, mđing kơ mnuih ƀuôn sang jing boh phŭn, bi mguôp bruă mđĭ kyar lăn čar hŏng bruă mđĭ kyar alŭ wăl. Mơ̆ng anăn, Việt Nam lŏ dơ̆ng bi êdah bruă klam pô hlăm klei bi mguôp ala čar hgŭm, mđĭ hĭn bruă klam hŏng ASEAN, kyua klei êđăp ênang, hĭt hlăm alŭ wăl./.
Viết bình luận