Anei jing klei nao čhưn kơ China tal êlâo mơ̆ng khua knŭk kna Phạm Minh Chính hŏng klei jing khua knŭk kna. Klei nao čhưn anei mâo leh klei tŭ dưn hŏng lu bruă yuôm bhăn mâo ngă. Klei bi đăo knang kơ bruă kđi čar plah wah dua ala čar dưi lŏ mtrŭn agha êlam hĭn kơ jih jang bruă hgŭm kluôm dhuôm hŏng boh klei ară anei, mghaih msir djăp mta klei amâo mâo thâo bi djŏ hŏng klei bi blŭ hrăm, mđĭ kyar klei bi hgŭm kjăp dua nah.

Mbĭt hŏng anăn khua knŭk kna lŏ mâo mmông blŭ hrăm hŏng phung duh mkra Việt Nam – China, mâo lu snăk phung duh mkra China lehanăn phung thâo lu bi tuôm hlăm klei bi trông hgŭm bruă mbĭt, lehanăn nao čuă alŭ wăl duh mkra mrâo Hùng An – alŭ wăl ƀuôn prŏng knhuah mrâo mơ̆ng China ti čar Hà Bắc…. Phung duh mkra bi myuôm kơ anôk duh mkra, lehanăn čang hmăng kơ klei duh bi liê mơ̆ng Việt Nam, lehanăn bi êdah klei čiăng pŏk mlar bruă duh bi liê ti Việt Nam hlăm wưng tinăp./.