Anei jing gưl nao čhưn tal êlâo mơ̆ng Khua knŭk kna Việt Nam hriê ti India yap mơ̆ng leh dua ala čar mkŏ mjing klei bi hgŭm kluôm thŭn 2016. Knŏng hlăm dua hruê, Khua knŭk kna mâo leh hdră mă bruă lu snăk, lu mta hŏng 25 bruă ngă, mâo klei bi trông, bi tuôm hŏng Khua gĭt gai gưl dlông India, dŭm êpul grup prŏng mơ̆ng India, blŭ hrăm hlăm Klei bi kƀĭn Bruă duh mkra Việt Nam-India leh anăn Êpul gơ̆ng dŭm bruă dlông rŏng lăn mơ̆ng India.

Khua gĭt gai dua ala čar bi mklă leh klei mđĭ ktang hĭn klei bi hgŭm Kluôm Việt Nam-India hlăm bruă mâo leh msĕ si lĭng kahan - klei êđăp ênang, mnia blei- bi liê, dhar kreh - mtô bi hriăm leh anăn pŏk mlar klei bi hgŭm mrâo kơ bruă duh mkra mtah, duh mkra mrô,mđĭ bruă mnia blei leh anăn bi liê dua nah, mđĭ ktang leh anăn bi êlam hĭn klei bi hgŭm kơ kreh knhâo- kdrăp mrâo.