Hŏng giăm 40 bruă ngă hlăm 3 hruê, gưl nao mă bruă mơ̆ng Khua knŭk kna Phạm Minh Chính leh anăn êpul bi ala gưl dlông Việt Nam ba leh klei kruăk knăl leh anăn đru mguôp yuôm bhăn hlăm klei tŭ jing mbĭt mơ̆ng Klei bi kƀĭn gưl dlông BRICS pŏk mlar. Khua knŭk kna mbĭt hŏng 35 khua gĭt gai leh anăn bi ala dŭm ala čar mâo klei bi trông êlam leh anăn klă sĭt kơ klei mđĭ klei mĭn lu tĭng, dŭm bruă duh mkra, ngăn prăk leh anăn klei thâo anak mnuih mkra mjing, kơ wăl hdĭp mda leh anăn bruă duh mkra kluôm rŏng lăn…

Klei kuôl kă dưi mâo hlăm Klei bi kƀĭn srăng mđĭ klei bi hgŭm tŭ dưn, đru msir klei lông dlăng mđĭ kyar kjăp mơ̆ng dŭm ala čar mâo bruă duh mkra mrâo đĭ. Hlăm wưng ti Brazil, Khua knŭk kna Phạm Minh Chính mâo leh klei bi tuôm hŏng lu phung khua gĭt gai, phung khua hlăm knŭk kna, dŭm ala čar ăt msĕ mơh ƀĭng hgŭm, anôk bruă duh mkra… đru mđĭ boh tŭ dưn klei bi hgŭm bruă duh mkra, mnia blei, ba klei tŭ dưn klă sĭt kơ mnuih ƀuôn sang leh anăn anôk bruă duh mkra./.