Hlăm dua hrue mă bruă amâo mâo mdei mâo ngă leh êbeh 30 mta bruă, klei khua knŭk kna Phạm Minh Chính nao ti anôk bi kƀĭn WEF Davos tal 54 tŭ jing leh jăk siam hlăm djăp mta, djŏ hŏng klei čoh čuăn, čiăng mđĭ Việt Nam hŏng klei jing mrâo, klei găl lehanăn kơhưm mrâo. Klei blŭ hrăm mơ̆ng khua knŭk kna bi êdah nanao kơ lăn čar Việt Nam hlăk mâo klei đĭ kyar jăk, jing anôk năng truh mơ̆ng dŭm êpul grŭp tar rŏng lăn.

Klei nao čhưn kơ Hungary lehanăn Rumani leh ruĕ klei bi kƀĭn WEF Davos mơ̆ng khua knŭk kna Phạm Minh Chính ăt ba wĭt leh klei tŭ dưn jăk siam. Hlăm klei hiu čhưn anăn, Khua knŭk kna Phạm Minh Chính mâo leh êbeh 30 klei bi tuôm, bi trông hŏng phung khua kiă kriê knŭk kna, bruă kƀĭn ala, dŭm đảng bruă kđi čar dua ala čar, mđĭ kyar hdră êlan sang hră gưl prŏng, nao ti anôk bi kƀĭn phung duh mkra dua ala čar, bi tuôm hŏng mnuih Việt Nam hdĭp lehanăn mă bruă hlăm ala čar anăn, nao čuă dŭm anôk duh mkra, anôk kreh knhâo./.