Ksiêm dlăng bruă ruh mgaih anôk ala hdră, Khua knŭk kna Phạm Minh Chính mñă ktang anei jing êlan dơ̆ng phŭn, mâo boh tŭ hdră êlan, mkŏ Lăn Dap Kngư, Ngŏ Dhŭng, tač êdeh phiơr Long Thành leh anăn dŭm bĭt êlan dơ̆ng pral, kdrŭn ksĭ…

Khua knŭk kna mñă kơ dua čar Bình Dương, Bình Phước bi mguôp kjăp, bi đru hdơ̆ng pô čiăng mtrŭt bi hmar hdră, hlăm anăn kdrêč găn čar Bình Phước knŏng mâo mă 7 km hŏng hdră bi mguôp knŭk kna êngao knŭk kna mjêč čiăng bi leh hmar. Khua knŭk kna mñă brei dăp dŭm anôk ksiêm dlăng êlan klông găl guôp, mjêč čuăl mkă čiăng ngă jăk hĭn wăl đĭ kyar mrâo mơ̆ng êlan dơ̆ng pral, mđĭ kyar dŭm anôk bruă tuh tia, ƀuôn prŏng ênŭk mrâo hŏng dŭm klei mrâo mrang, mlih mrâo hŏng klei mbruă, mđĭ kyar bruă duh mkra mrô, bruă duh mkra dar hlăm dŭm wăl anôk bruă tuh tia.