VOV4.Êđê- Ƀri bi hdơr knăm Chol Chnam Thmei thŭn 2022 mơ̆ng phung ƀuôn sang Khmer, Khua knŭk kna Phạm Minh Chính mơĭt leh hră hơêč hmưi truh hŏng phung ƀuôn sang, phung yơng djuê ana Khmer. Hơêč hmưi kơ phung ƀuôn sang lehanăn jih jang phung yơng sa knăm djuê ana pô thŭn 2022 hŏng klei mơak mñai, êđăp ênang, Khua knŭk kna lač: Knăm Chol Chnam Thmei jing knhuah gru dhar kreh djuê ana Khmer, anăp truh kơ sa thŭn mâo klei jăk jĭn. Thŭn 2022 jing thŭn kơ dŭm mta kñăm mđĭ kyar bruă duh mkra ala ƀuôn wưng thŭn 2021 – 2025, jing thŭn hlue ngă 2 hdră êlan prŏng kơ bruă djuê ana, khua knŭk kna čang hmăng, lehanăn đăo knang kơ phung ƀuôn sang, phung yơng djuê ana Khmer lŏ dơ̆ng mđĭ hĭn knhuah gru jăk siam, mâo klei thâo bi mguôp, hrăm mbĭt hŏng dŭm gưl, dhar bruă hgao klei dleh dlan, klei lông dlăng, brei mâo klei răng kjăp hŏng klei ruă tưp, bi leh jăk bruă duh mkra, răng mgang kjăp klei êđăp ênang./.

         Pô mblang: Y-Khem Niê