Khua knŭk kna Phạm Minh Chính mtrŭn asăp brei rŭ mkra êlan dơ̆ng dar mrô 4 – Krĭng ƀuôn prŏng phŭn
Thứ hai, 11:03, 26/06/2023
VOV Tây Nguyên
VOV Tây Nguyên
VOV4.Êđê- Aguah mbrue 25/6, ti kdriêk Hoài Đức (Hà Nội), Khua knŭk kna Phạm Minh Chính nao lehanăn mâo asăp mtrŭn kơ klei rŭ mkra êlan dơ̆ng dar mrô 4 – krĭng ƀuôn prŏng phŭn Hà Nội lehanăn êlan dơ̆ng pral Cao Lãnh - An Hữu (gưl tal 1).
Klei rŭ mkra anei mâo mkŏ mjing hlue hdră bi mguôp mkŏ online plah wah 7 anôk jing: Hoài Đức, Thanh Oai, Sóc Sơn, Thường Tín (Hà Nội) mbĭt hŏng dŭm alŭ wăl mâo Bắc Ninh, Hưng Yên lehanăn Đồng Tháp.
Blŭ hrăm hlăm knăm anei anei, Khua knŭk kna Phạm Minh Chính mñă klei duh bi liê mkra êlan dơ̆ng dar mrô 4 – krĭng ƀuôn prŏng phŭn Hà Nội, êlan dar krĭng duh mkra phŭn ti Hà Nội, mkŏ ƀuôn prŏng phŭn Hà Nội hŏng čar Hưng Yên, čar Bắc Ninh lehanăn djăp alŭ wăl mkăn hlăm krĭng srăng dưn yua klei duh bi liê hŏng jih jang bruă hlăk dôk ngă, mjing klei mđĭ kyar mrâo, lehanăn mghaih msir djăp mta klei dôk gun kpăk ti ƀuôn prŏng phŭn Hà Nội, ba yua lăn ala hŏng klei tŭ, rŭ mdơ̆ng ƀuôn prŏng phŭn, rŭ mjing ƀuôn prŏng kjăp, ênuk mrâo./.
Viết bình luận