Hlăm knăm čang ênuh, Khua knŭk kna Phạm Minh Chính mơĭt klei bi juh mơ̆ng Khua gĭt gai Đảng Nguyễn Phú Trọng, Khua lăn čar Võ Văn Thưởng, Khua bruă kƀĭn ala Vương Đình Huệ leh anăn phung khua êmua Việt Nam truh kơ Khua gĭt gai Đảng, khua gĭt gai China Tập Cận Bình, Khua knŭk kna Lý Cường, Khua bi ala knơ̆ng gĭt gai Triệu Lạc Tế, phung khua gĭt gai China leh anăn gŏ sang Khua knŭk kna hđăp Lý Khắc Cường.

Khua knŭk kna Phạm Minh Chính mñă klă, Đảng, knŭk kna leh anăn mnuih ƀuôn sang Việt Nam mpŭ kơ dŭm klei đru, klei khăp mơ̆ng Khua knŭk kna Lý Khắc Cường hŏng klei mjĕ giăm dua Đảng, dua lăn čar leh anăn mnuih ƀuôn sang Việt Nam – China. Pô bi ala China Hùng Ba lač jăk kơ Khua gĭt gai Đảng Nguyễn Phú Trọng, Khua lăn čar Võ Văn Thưởng, Khua knŭk kna Phạm Minh Chính, Khua bruă kƀĭn ala Vương Đình Huệ mâo leh klei blŭ bi juh leh anăn Khua knŭk kna Phạm Minh Chính ba anăp êpul bi ala mơ̆ng Đảng, knŭk kna, Bruă kƀĭn ala, mặt trận čar kwar Việt Nam hriê čang leh anăn čih hră čang, mñă klă Đảng, knŭk kna leh anăn mnuih ƀuôn sang China mprăp mtrŭt mđĭ hĭn klei mjĕ giăm bi hgŭm, bi mguôp hdră êlan kluôm dhuôm Việt Nam – China.