Hlăm klei mgei ai tiê, Khua knŭk kna leh anăn phung hlăm êpul pioh leh mnĭt mmông bi hdơr kơ ai tiê leh anăn klei duh myơr jih klei hdĭp mơ̆ng Khamtay Siphandone kơ bruă krŭ kdơ̆ng Lao, ăt msĕ mơh klei bi hgŭm jăk siam Việt – Lào.Čih hlăm hră čang, Khua knŭk kna Phạm Minh Chính bi êdah klei hơưi êlam snăk kơ klei sa čô krŭ kdơ̆ng kjăp ktang, ƀĭng găp prŏng leh anăn sĭt suôr mơ̆ng mnuih ƀuôn sang Việt Nam djiê leh.

Khua knŭk kna bi mni kơ klei Khamtay Siphandone đru mguôp prŏng prĭn hlăm bruă mkŏ mjing leh anăn mđĭ klei bi hgŭm yuôm bhăn, bi hgŭm kluôm plah wah dua ala čar Việt Nam – Lào. Khua knŭk kna brei thâo, čiăng bi hdơr kơ Khamtay Siphandone, Đảng, Knŭk kna Việt Nam bi mklă mkŏ mjing klei čang ênuh ala čar hlăm dua hruê 4 – 5/4. Ñu ăt mơĭt klei bi juh êlam snăk hŏng Đảng, Knŭk kna, mnuih ƀuôn sang Lao leh anăn gŏ sang gơ̆.