Hlăm wưng êgao, kahan ksiêm hlăm êlan klông ngă jăk bruă đru kčĕ mkŏ mjing, bi leh hdră bhiăn; dŭm klei gĭt gai yuôm bhăn kơ bruă rơ̆ng êđăp ênang hlăm êlan klông mơ̆ng Anôk dlăng bruă Đảng, Knŭk kna, Khua knŭk kna. Ngă bruă rơ̆ng êđăp ênang hlăm êlan klông, atăt dŭm êpul khua gĭt gai Đảng, Knŭk kna, dŭm êpul tuê hlăm ala čar, ala tač êngao hriê čhưn leh anăn mă bruă ti Việt Nam, rơ̆ng êđăp ênang.

Khua knŭk kna Phạm Minh Chính mtă kơ Êpul kahan ksiêm hlăm êlan klông ngă jăk bruă klam rơ̆ng êđăp ênang hlăm êlan klông. Lŏ dơ̆ng mlih mrâo ktang hdră ksiêm dlăng, ktuê dlăng, msir mgaih klei ngă soh kơ klei êđăp ênang hlăm êlan klông; mđĭ ba yua klei kreh knhâo kdrăp mrâo čiăng thâo ƀuh, msir mgaih klei ngă soh, rơ̆ng klă mngač. Hlăm gưl Tết Nguyên đán Giáp Thìn, mkŏ mjing hiu ksiêm dlăng, msir mgaih klei ngă soh, hmao msir mgaih klei bi drăm hlăm êlan klông, kyua klei êđăp ênang kơ yang ƀuôn./.