Mđĭ ai leh anăn hơêč hmưi tết kơ phung mă bruă hlăm Knơ̆ng bruă Huyundai Kefico hlăm Êpul grup Hyundai Dhŭng Korea, Khua knŭk kna Phạm Minh Chính bi mni kơ klei đru mguôp mơ̆ng êpul mă bruă hlăm kluôm ala đru mguôp hlăm boh tŭ mbĭt mơ̆ng lăn čar.

Mbĭt anăn lač klă, thŭn 2023, Hải Dương mâo dŭm hnơ̆ng kčah, hlăm boh tŭ mbĭt anăn mâo klei đru mguôp mơ̆ng knuă druh, phung mă bruă dŭm anôk bruă duh mkra ti Hải Dương leh anăn mơ̆ng Knơ̆ng bruă Kefico, Khua knŭk kna bi mni kơ Knơ̆ng bruă Kefico mđing kơ phung mă bruă leh anăn čang hmăng mbĭt hŏng dŭm anôk bruă duh mkra gĭr hgŭm hlăm klei êđăp ênang ala ƀuôn, ngă bruă djŏ hdră bhiăn. Khua knŭk kna mtă, bruă Đảng, bruă sang čư̆ êa alŭ wăl, mặt trận, dŭm êpul kđi čar Hải Dương lŏ dơ̆ng ngă jăk bruă đru kơ klei êđăp ênang ala ƀuôn, răng mgang wăl hdĭp mda, mđĭ klei hdĭp ai tiê , mnơ̆ng dhơ̆ng mơ̆ng yang ƀuôn, mđĭ kyar dhar kreh mđĭ kyar bruă duh mkra ala ƀuôn./.