Ti knăm anei, Khua knŭk kna Phạm Minh Chính răng bi tuôm hŏng phung khua kiă kriê Hungary; nao čuă dŭm anôk bruă duh mkra ala ƀuôn Hungary; nao ti Klei bi kƀĭn trông bruă duh mkra mnia mblei Việt Nam – Hungary, bi tuôm hŏng phung khua kiă kriê dŭm anôk bruă bi mjĕ mjuk lehanăn bi tuôm hŏng phung knuă druh, mnuih mă bruă Anôk bruă bi ala lehanăn bi ala mnuih Việt Nam dôk ti Hungary.

Gưl nao čhưn ti Hungary mơ̆ng Khua knŭk kna srăng đru mđĭ hĭn klei đăo knang bruă kđi čar, mđĭ hĭn klei bi mjĕ jăk siam, đru hdơ̆ng găp, mtrŭt mđĭ hdră bi hgŭm truh ti hnơ̆ng mrâo, djŏ hŏng klei čiăng đĭ kyar mơ̆ng grăp ala čar, mtrŭt hdră bi hgŭm hlăm bruă dôk mâo klei găl, hyuă kjăp klei bi hgŭm jăk siam plah wah mnuih ƀuôn sang Việt Nam lehanăn Hungary./.