Sang hră bruă rŭ mdơ̆ng gưl prŏng Bucharest (UTCB) jing sang hră gưl prŏng, mâo k’hưm mơ̆ng Romania mđing kơ bruă mjuăt bi hriăm hdră kdrăp rŭ mdơ̆ng kluôm.

Blŭ hrăm hŏng phung khua kiă kriê lehanăn êpul knuă druh, nai prŏng, phung nai mtô ti sang hră, Khua knŭk kna Phạm Minh Chính lŏ ksiêm wĭt leh giăm 75 thŭn klei bi mjĕ Việt Nam – Romania, mñă, Việt Nam bi mni klei bi mjĕ lehanăn hgŭm bruă jăk siam hŏng Romania, čang hmăng hlăm hdră mjuăt bi hriăm, sang hră srăng mđĭ lar bruă klam jing sa anôk bruă mtô bi hriăm phŭn mơ̆ng Romania hlăm hdră mtrŭt mđĭ klei bi mjĕ hgŭm bruă mtô bi hriăm, ksiêm hriăm kreh knhâo, kdrăp mrâo, boh nik dŭm bruă mâo klei găl mơ̆ng Sang hră hŏng dŭm anôk bruă mtô bi hriăm djŏ tuôm mơ̆ng Việt Nam; đru mtrŭt mđĭ hĭn klei bi mjĕ mơ̆ng dua ala čar./.