Blŭ hrăm ti anei, Khua knŭk kna Phạm Minh Chính lač, klei nao čuă ƀăng jang knông lăn anei dôk leh hlăm hdră bi tŭ ư khua kiă kriê prŏng dua ala čar Việt Nam – China, dŭm êpul kahan ksiêm, kahan lĭng, kahan răng mgang knông lăn, dŭm phŭn dhar bruă, alŭ wăl ti knông lăn bi mkŏ mjing hdră mă bruă tui si klei bi tŭ ư gưl dlông, lehanăn mâo hlue ngă truh hlăm nah gŭ.

Khua knŭk kna mtă kơ bruă răng mgang kjăp klei êđăp ênang knông lăn, mkŏ mjing knông lăn dôk hlăm klei êđăp ênang, hgŭm mbĭt, mđĭ kyar, grăp čô mnuih ƀuôn sang jing sa ƀĕ gơ̆ng knông lăn pioh răng mgang klei êđăp ênang knông lăn, răng ñĕ đuê̆ amâo mâo lĕ hlăm klei mjhĭk mtŭl amâo năng mâo./.