Khua knŭk kna Phạm Minh Chính bi êdah klei ênguôt leh anăn mâo klei bi juh ti anăp klei djiê mơ̆ng ayang Khua knŭk kna Abe, jing sa čô mah jiăng mơ̆ng knŭk kna leh anăn mnuih ƀuôn sang Việt Nam.

Khua knŭk kna Phạm Minh Chính bi myuôm klei mjĕ giăm Việt Nam – Japon hlăm wưng Abe păn ngă Khua knŭk kna mâo dŭm klei đĭ kyar êjai dua ala čar mđĭ hnơ̆ng bi hgŭm bi mguôp hdră êlan kluôm dhuôm kyua klei êđăp ênang leh anăn mdrŏng sah ti Asi hlăk thŭn 2014, êpul êya mnuih Việt Nam ti Japon đĭ lu, mâo êbeh 400 êbâo čô. Aduôn Akie Abe, mô̆ ayang Khua knŭk kna Abe lač jăk kyua klei bi juh mơ̆ng Khua knŭk kna Phạm Minh Chính hŏng klei djiê mơ̆ng ayang Khua knŭk kna Abe Shinzo, mñă klă srăng lŏ dơ̆ng ngă klei hmăng hmưi mơ̆ng Khua knŭk kna Abe hyuă kjăp hĭn klei bi hgŭm Việt Nam – Japon.