Wưng leh êgao leh anăn thŭn 2023, Êpul khua bruă Đảng, khua gĭt gai Anôk bruă mrô II mâo leh klei gĭt gai, ktrâo lač bi leh jăk dŭm bruă klam hâo hưn, đru kčĕ hdră êlan leh anăn ngă bruă ksiêm hgăm, hmao đru kčĕ hŏng Đảng, knŭk kna, Knơ̆ng gĭt gai lĭng kahan gưl dlông, Phŭn bruă lĭng kahan mâo dŭm hdră êlan djŏ guôp, amâo mâo brei mâo klei kjăt kƀal kơ hdră êlan, mâo khua gĭt gai gưl dlông leh anăn Dŭm phŭn, dhar bruă, alŭ wăl čih yap, bi myuôm. Blŭ hrăm hŏng phung knuă druh kmeh gơ̆ng mơ̆ng anôk bruă, Khua knŭk kna Phạm Minh Chính čih yap, pah mni klei gĭr ktưn leh anăn dŭm klei duh myơr, boh tŭ dưn mơ̆ng Anôk bruă mrô II dưi mâo leh hlăm wưng êgao, lač thŭn 2024 leh anăn hlăm wưng kơ anăp, boh sĭt tar rŏng lăn leh anăn hlăm alŭ wăl ăt dleh dưi ksiêm dlăng, čiăng kơ bruă ksiêm hgăm bruă lĭng kahan srăng mâo klei mprăp klă nik hĭn, jăk hĭn, mprăp tŭ ngă bi leh dŭm bruă klam mâo Đảng, knŭk kna jao.

Khua knŭk kna mtă kơ anôk bruă srăng rơ̆ng mprăp klei kdơ̆ng mblah, đru hlăm bruă hâo hưn, răng mgang klei êđăp ênang, rơ̆ng kơ klei hdĭp, ai tiê kơ phung lĭng kahan hlăm wưng Tết Nguyên đán Giáp Thìn 2024.