Blŭ hrăm ti anôk bi tuôm anăn, bi ala kơ phung khua kiă kriê Đảng, Knŭk kna, Khua knŭk kna Phạm Minh Chính mpŭ mni čih pioh lehanăn mâo klei hơêč hmưi kơ dŭm boh tŭ dưn, klei duh myơr đru mguôp mơ̆ng êpul phung ngă bruă dhar kreh, kdŏ mmuiñ hlăm lĭng kahan, dŭm gưl phung knuă druh, phung hriăm mơ̆ng sang hră anei.

Khua knŭk kna čang hmăng Sang hră thŭn 2024 mâo ba wĭt boh tŭ dưn kdlưn hĭn 2023, wưng êdei jing kdlưn hĭn kơ gưl êlâo. Ƀri drông Tết Nguyên đán Giáp Thìn, bi ala kơ phung khua kiă kriê Đảng, Lăn čar, khua knŭk kna hơêč hmưi kơ phung bi ala, kơ knuă druh, nai mtô, phung hriăm, lĭng kahan mơ̆ng Sang hră gưl prŏng Văn hóa Nghệ thuật Quân đội mâo klei suaih pral, êđăp ênang mdrŏng sah, thŭn mrâo mâo klei tŭ dưn mrâo./.