VOV4.Êđê - Hrue mbrue (8/2), ƀri bi hdơr 92 thŭn hrue mkŏ mjing Đảng Cộng sản Việt Nam lehanăn lŏ wĭt ngă bruă leh wưng mdei tết, Khua knŭk kna Phạm Minh Chính nao čuă lehanăn hơêč hmưi tết kơ knuă druh, mnuih ngă bruă Knơ̆ng prăk knŭk kna Việt Nam. Thŭn 2021, knơ̆ng prăk knŭk kna mâo leh dŭm hdră êlan bi kdung nư klei, mkŏ wĭt hrue mmông tla nư, bi hrŏ prăk mnga. Hong hlăm brô 600 êbâo phung čan prăk hŏng ênoh adôk ka tla êbeh 280 êbâo êklai prăk dưi lŏ mkŏ wĭt hrue mlan tla nư, giăm 2 êklăk phung čan hŏng ênoh giăm 4 êklăk êklai prăk mâo bi hrŏ prăk mnga čan, bi hrŏ êbeh 2 êbâo 500 êklai prăk kơ bruă tĭng tla, brei čan hŏng mnuih nga bruă mâo čan ti knơ̆ng prăk đru ba bruă yang ƀuôn. Thŭn 2022, đăo knăl klei duh mkra dlông rŏng lăn lehanăn hlăm ala čar lŏ tuôm hŏng lu klei dleh dlan mơ̆ng klei ruă tưp. Khua knŭk kna mtă kơ knơ̆ng prăk knŭk kna lŏ dơ̆ng mâo dŭm hdră êlan jăk hĭn bi kơrŭ wĭt bruă duh mkra, mjing djăp klei găl kơ phung ƀuôn sang, lehanăn phung duh mkra dưi mâo ngăn prăk duh kơ bruă, mđĭ kyar bruă duh mkra mnia mblei./.

Y-Khem pô mblang