Hlăm klei hơ̆k mơak, klei blŭ tlao mbĭt hŏng dŭm boh sang mrâo, ai êwa drông Khua Knŭk kna mkŏ mjing hlăm klei hơuh mđao, bŏ hŏng klei khăp. Nao êmuh hrăm, blŭ tlao hŏng mnuih ƀuôn sang anôk dôk mrâo alŭ Quảng Đức, Khua Knŭk kna Phạm Minh Chính bi mni ai tiê čŏng pô, klei ngă bruă ktang phĭt mơ̆ng mơ̆ng gưl bruă Đảng nah gŭ, Bruă sang čư̆ êa čar Dak Lak hlăm bruă msir boh jhat klei truh yan adiê, rŭ mjing anôk dôk mrâo djŏ hŏng hdră kčah leh anăn hnơ̆ng jăk. 

Mbĭt anăn mñă klă, bruă bi leh anôk dôk mrâo amâo djŏ knŏng msir anôk dôk ti anăp ƀiădah lŏ mâo boh tŭ dưn yuôm bhăn hlăm wưng sui, mkŏ mjing tur knơ̆ng čiăng kơ mnuih ƀuôn sang hơĭt ai tiê mă bruă knuă, mđĭ kyar klei hdĭp mda leh anăn bruă duh mkra hơĭt kjăp.