Blŭ hrăm tinăn, Khua knŭk kna Phạm Minh Chính lač, FPT jing phung duh mkra ba êlan êlâo kơ klei bi mlih mrô ti Việt Nam mơ̆ng thŭn 2016. FPT ăt jing anôk duh mkra hrăm mbĭt hŏng phung duh mkra mkăn ti Việt Nam mâo leh klei đĭ kyar jăk, đru Việt Nam kpưn đĭ, jing leh gru mngač kơbruă hâo hưn hŏng lu mta klei.

Khua knŭk kna mñă, hŏng êwang êlan đĭ kyar jăk siam, bruă mơ̆ng FPT nao hlăm klei mđĭ kyar kdrăp hâo hưn, mđĭ bi lar phần mềm, mkra mjing chip anăn yơh jing hdrăkñăm tal êlâo hĭn, hŏng FPT, mđrĭng hŏng klei đĭ kyar dlông rŏng lăn, lehanăn klei dôk găl tiala čar drei. Khua knŭk kna mtă kơ phŭn bruă sang hră mơar, dŭm anôk bruă djŏ tuôm mơ̆ng FPT mđrăm mbĭt bi ksiêm duah, mâo hdră êlan mă bruă mjuăt bi hriăm mnuih thâo kơ bruă anei pioh hrăm mbĭt rŭ mdơ̆ng lăn čar Việt Nam mdrŏng ktang jăk yâo./.