Khua knŭk kna Phạm Minh Chính nao hgŭm hlăm klei kƀĭn trông kahan ksiêm kluôm ala gưl tal 79
Thứ năm, 08:42, 28/12/2023
VOV Tây Nguyên
VOV Tây Nguyên
VOV4.Êđê- Aguah mbruê 27/12, ti Hà Nội Khua knŭk kna Phạm Minh Chính nao hlăm klei kƀĭn trông Kahan ksiêm kluôm ala gưl tal 79 mơ̆ng Bruă Đảng kahan ksiêm gưl dlông, Phŭn bruă kahan ksiêm mkŏ mjing.
Blŭ hlăm klei kƀĭn trông, Khua knŭk kna Phạm Minh Chính bi klă, bruă kahan ksiêm thŭn 2023 mâo leh lu boh tŭ dưn jăk hĭn thŭn 2022.
Khua knŭk kna mñă ktang, Đảng, knŭk kna đăo knang, mnuih ƀuôn sang hmăng hmưi êpul kahan ksiêm yang ƀuôn lŏ dơ̆ng bi lar knhuah gru jhŏng ktang “Kyua lăn čar wơr pô, kyua mnuih ƀuôn sang ngă klei đru”, “Knŏng thâo adôk Đảng, adôk pô”, “Kơhưm jing klei kdrưh kơăm, yuôm bhăn hĭn”, jing gru hmô kơ klei bi mguôp, ba anăp hlăm bruă hluê ngă hdră êlan, hdră kčah mtrŭn mơ̆ng Đảng, knŭk kna, mâo klei gĭr ktưn, ngă bruă ktang phĭt leh anăn jih ai đru kơ lăn čar, đru kơ mnuih ƀuôn sang, năng djŏ jing êpul kmeh gơ̆ng, đăo knang, siă suôr hŏng Đảng, knŭk kna leh anăn mnuih ƀuôn sang.
Viết bình luận