Ƀri wưng bi hdơr 75 thŭn hruê Khua gĭt gai Hồ Chí Minh mâo klei iêô mthưr khăp kơ ala čar 11/6, sa ai hŏng mlan ngă bruă gang mkhư̆ matuĭ hŏng akŏ “gang mkhư̆ ma tŭi ktang phĭt, tŭ dưn, mđĭ bruă đua klam, čŏng pô bi mguôp - kyua sa yang ƀuôn amâo mâo matui”, mmăt mbruê 14/6, Phŭn bruă kahan ksiêm – anôk bruă thơ̆ng kơ bruă gang mkhư̆ ma tuĭ kdrưh k’ăm mkŏ mjing hdră Hmăng hmưi kơ klei êđăp ênang – Pah mni êpul êya, grăp čô êdah êdi”.

Hlăm knăm anăn, êpul mkŏ mjing pah mni leh dŭm mta bruă ngă, boh tŭ dưn mơ̆ng dŭm êpul êya, boh nik 140 čô kdlưn hĭn mâo klei pah mni. Blŭ hlăm knăm anăn, Khua knŭk kna Phạm Minh Chính mñă klă, anei jing wưng bi hdơr phung lĭng kahan jhŏng ktang djiê êngiă leh anăn pah mni phung mâo klei bi hmô hlăm klei bi blah kyua sa yang ƀuôn amâo mâo ma tuĭ, hluê anăn dưi bi lar ai tiê bruă klam, klei mĭn jhŏng, kyua yang ƀuôn, čiăng hluê ngă klei mĭn “Kyua lăn čar wơr asei, Ngă bruă kyua mnuih ƀuôn sang”.