Blŭ hrăm hlăm hdră, Khua knŭk kna Phạm Minh Chính pah mni dŭm klei gĭr leh anăn boh tŭ dưn dưi mâo mơ̆ng bruă ngăn prăk leh anăn dŭm êpul bruă ngăn prăk, klei bi mguôp kjăp hŏng dŭm phŭn, dhar bruă, alŭ wăl, klei sa ai, nao hgŭm hur har mơ̆ntg mnuih ƀuôn sang, knơ̆ng bruă, đru mguôp hlăm klei mlih mrô ala čar.

Bi kơ bruă klam, hdră êlan kñăm hlăm wưng kơ anăp, Khua knŭk kna mñă kơ Khua gĭt gai Knơ̆ng bruă knŭk kna leh anăn jih jang bruă ngăn prăk srăng gĭr jih ai, ktang phĭt hĭn hlăm klei mlih mrô bruă Ngăn prăk, nao mbĭt hŏng klei mlih mrô ala čar hŏng klei kjăp, tŭ dưn. Khua knŭk kna mñă kơ knơ̆ng prăk ktuê dlăng, hluê ngă tŭ dưn dŭm bruă klam mlih mrô lăn čar, hdră êlan mđĭ kyar knơ̆ng prăk.