Blŭ hrăm hlăm klei bi kƀĭn, Khua knŭk kna Phạm Minh Chính bi mni kơ Australia hưn mdah mbĭt 222,5 êklăk đôlar Australia kơ klei bi hgŭm hŏng dŭm ala čar krĭng Mekong, mkŏ mjing Keh bi liê mâo ênoh 2 êklai đôlar Australia leh anăn dŭm klei mĭn mbruă mkăn kñăm mđĭ bruă mnia blei leh anăn bi liê hŏng dŭm ala čar ASEAN hlăm wưng kơ anăp.

Bi trông kơ klei tă hdră mđĭ kyar klei bi hgŭm hlăm wưng kơ anăp, dua tĭng brei gĭr mjing klei bi mlih ktang hlăm klei bi hgŭm bruă duh mkra, boh nik bruă mnia blei leh anăn bi liê hlăm klei pŏk ngă tŭ dưn bruă mnia blei êngiê ASEAN-Australia-New Zealand mrâo dưi mđĭ leh anăn Klei kuôl kă ƀĭng hgŭm bruă duh mkra kluôm krĭng wăl (RCEP); mbĭt anăn mđĭ ktang klei bi hgŭm hlăm bruă mrâo msĕ si mlih mrâo mbruă, bruă duh mkra mrô, bi mlih mtah, mnia blei điện tử, ba klei bi hgŭm anei jing boh kdrŭt mđĭ kyar mrâo kơ klei bi hgŭm bruă duh mkra dua tĭng./.