Anei jing gưl nao čhưn yuôm bhăn mơ̆ng Khua knŭk kna, hlăm boh klei yuôm bhăn: Việt Nam -Japon mđĭ klei bi hgŭm jing ƀĭng hgŭm kluôm kyua klei êđăp ênang leh anăn mdrŏng sah ti Asi leh anăn dlông rŏng lăn ƀri gưl nao čhưn ti Japon mơ̆ng Khua lăn čar Võ Văn Thưởng hlăm mlan 11 mrâo êgao; mbĭt anăn ASEAN-Japon ăt klă sĭt mkŏ mjing klei bi hgŭm kluôm (CSP) hlăm klei bi kƀĭn gưl dlông ASEAN-Japon tal 26 ti Indonesia hlăm mlan 9/2023.

Wăt Việt Nam leh anăn ASEAN mkŏ mjing sơăi klei bi hgŭm hŏng Japon hlăm thŭn 1973 - sui hŏng anei 50 thŭn. Mĭn tĭng phung khua gĭt gai ASEAN leh anăn Japon srăng ksiêm dlăng hdră bi hgŭm 50 thŭn êgao, mơ̆ng anăn kčah hnơ̆ng trah dlăng leh anăn hdră tă mđĭ kyar klei bi hgŭm hlăm wưng mrâo. Klei bi kƀĭn srăng bi mklă 2 hră mơar mâo: Klei hâo hưn hnơ̆ng trah dlăng kơ klei bi hgŭm ASEAN-Japon: Ƀĭng hgŭm đăo knang” leh anăn “Hdră kčah pŏk ngă Klei hưn mdah hnơ̆ng trah dlăng kơ klei bi hgŭm ASEAN-Japon:  Ƀĭng hgŭm đăo knang”, kñăm bi klă klơ̆ng klei bi trông mơ̆ng phung khua gĭt gai hlăm klei bi kƀĭn./.