Klei bi kƀĭn kñăm lŏ dơ̆ng bi klă klơ̆ng dŭm hdră êlan mơ̆ng Đảng, Knŭk kna kơ klei mđĭ kyar krĭng dap mnai krông Hồng, krĭng bruă duh mkra kwar Dưr, krĭng ƀuôn prŏng phŭn leh anăn čar Hải Dương, boh nik Hdră mtrŭn mơ̆ng Phŭn bruă kđi čar kơ hdră tă mđĭ kyar bruă duh mkra ala ƀuôn, rơ̆ng êđăp ênang lĭng kahan, krĭng dap mnai krông Hồng truh thŭn 2030, hnơ̆ng trah dlăng truh thŭn 2045.

Khua knŭk kna Phạm Minh Chính mñă klă, Hải Dương bi kƀĭn lu klei găl mdê hjăn, klei găl êdah êdi, klei găl bi ktưn čiăng mđĭ kyar bruă duh mkra pral leh anăn kjăp, jing anôk truh hŏng phung duh bi liê hlăm ala čar leh anăn dlông rŏng lăn, mjing boh kdrŭt mđĭ kyar kơ Hải Dương leh anăn lar bra kơ krĭng dap mnai krông Hồng leh anăn kluôm ala. Mbĭt anăn, Khua knŭk kna mtă, mđĭ ktang bi mlih hdră bruă duh mkra, mguôp hŏng klei mlih mrâo gru hmô đĭ kyar, mđĭ hnơ̆ng boh mnga leh anăn klei bi ktưn, mơ̆ng tur knơ̆ng mlih mrô, kreh knhâo kdrăp mrâo leh anăn mbruă, mđĭ kyar bruă duh mkra mtah, bruă duh mkra kluôm./.