Bi trông kơ klei mĭn mbruă čiăng đru kơ dŭm knơ̆ng bruă mphŭn čô̆ kơ bruă leh anăn ngă bruă mlih mrâo ti Việt Nam, Khua knŭk kna brei thâo, Việt Nam ngă leh hrăm mbĭt 5 êpul hdră msir kơ klei bi leh klei bhiăn, hdră êlan đru, mđĭ mlih mrâo mbruă leh anăn mphŭn čô̆ kơ bruă; pŏk ngă hdră bruă gưl ala čar kơ klei đru anôk mphŭn čô̆ kơ bruă mlih mrâo mbruă, đru kơ hđeh sang hră, phung hriăm gưl prŏng mphŭn čô̆ kơ bruă, hdră đru kơ anôk bruă duh mkra mlih mrô, hdră lông dlăng mlih mrâo mbruă Việt Nam.

Khua knŭk kna Phạm Minh Chính ăt bi trông lu bruă djŏ tuôm kơ hdră kčah đĭ kyar leh anăn klei găl kơ phung hđeh mrâo Việt Nam hlăm dŭm bruă mrâo đĭ msĕ si klei thâo anak mnuih, chíp bán dẫn, ênoh mrô; klei toh hroh kluôm rŏng lăn leh anăn dŭm bruă tar rŏng lăn mkăn.