VOV4.Êđê- Aguah mbruê 22/8, ti Hà Nội, Khua knŭk kna Phạm Minh Chính nao hlăm klei kƀĭn trông hyuă kjăp leh anăn hluê ngă hdră mtrŭn mrô 8 mơ̆ng Phŭn bruă kđi čar kơ bruă mtrŭt mđĭ klei đĭ kyar bruă tuh tia lĭng kahan truh ti thŭn 2030 leh anăn dŭm thŭn kơ anăp mơ̆ng knơ̆ng gĭt gai lĭng kahan gưl dlông – phŭn bruă lĭng kahan mkŏ mjing.

Blŭ gĭt gai klei kƀĭn, Khua knŭk kna Phạm Minh Chính mñă klă, hdră mtrŭn mrô 8 bi êdah klei uêñ mĭn kluôm êlam, klei hmăng hmưi leh anăn klei đăo knang mơ̆ng Đảng, knŭk kna leh anăn mnuih ƀuôn sang hŏng bruă tuh tia lĭng kahan, bi klă mta kñăm mkŏ mjing êpul lĭng kahan truh ti thŭn 2025 klah čŭn, thơ̆ng kơ bruă, kjăp ktang, tur knơ̆ng kơ klei kjăp, gĭr ktưn truh ti thŭn 2030 mkŏ mjing êpul lĭng kahan yang ƀuôn cách mạng, thơ̆ng kơ bruă, mrâo mrang. Mbĭt anăn, bruă hluê ngă hdră mtrŭn mrô 8 ăt đru mtrŭt mđĭ bruă tuh tia, mrâo mrang ala čar, mkŏ mjing bruă duh mkra êngiê, čŏng pô, hur har ñŭ kma hŏng tar rŏng lăn, klă klơ̆ng leh anăn mâo boh tŭ dưn.

Pô mblang: Y-Ƀel Êban