Blŭ hrăm hlăm klei kƀĭn, Khua knŭk kna Phạm Minh Chính mñă klă, klei kƀĭn anei mâo boh tŭ dưn yuôm bhăn êjai mkŏ mjing hlăm wưng lăn čar dôk mŭt hlăm wưnf đĭ kyar, gĭr ktưn bi leh mta kñăm hdră êlan 5 thŭn mơ̆ng 2021 – 2025, mđing truh mta kñăm mđĭ kyar truh ti thŭn 2030, tă hră truh kơ thŭn 2045.

Mbĭt anăn, ăt djŏ wưng 20 thŭn ngă hdră mtrŭn mrô 36 mơ̆ng phŭn bruă kđi čar kơ bruă mnuih Việt Nam ti ala tač êngao – sa gru kruăk yuôm bhăn hlăm bruă anei leh anăn bruă mkŏ mjing klei bi mguôp mnuih ƀuôn sang. Anei jing wưng bi tuôm, brei kơ drei bi trông kơ dŭm boh klei yuôm bhăn, klă sĭt kơ klei đĭ kyar lăn čar hlăm dŭm thŭn kơ anăp, leh anăn mđing hmư̆ klei čiăng, klei blŭ mguôp yuôm bhăn mơ̆ng mnuih ƀuôn sang Việt Nam ti ala tač êngao.