Klei kƀĭn trông gưl dlông mkŏ mjing mơ̆ng hruê 4 - 6/3, jing gru kruăk knăl yuôm bhăn hŏng hƀuê ênuk mbĭt mơ̆ng Australia hŏng alŭ wăl. Gru kruăk bi êdah klei ƀuăn mơ̆ng Australia hlăm bruă mđĭ hĭn klei bi mguôp hŏng alŭ wăl Ngŏ Dhŭng Asi. Mta phŭn klei kƀĭn trông gưl dlông tal anei kñăm bi trông kơ 4 mta bruă phŭn: Bruă mnia mblei, khua gĭt gai mrâo đĭ, yan adiê leh anăn pui kmlă doh, bi mguôp bruă hlăm êa ksĭ. Dŭm mta bruă klă klơ̆ng mâo” Klei kƀĭn CEO knơ̆ng bruă mâo khua gĭt gai knơ̆ng bruă mơ̆ng Australia leh anăn Ngŏ Dhŭng Asi, klei kƀĭn trông dŭm knơ̆ng bruă điêt leh anăn man dưn (SME), Klei kƀĭn kơ yan adiê leh anăn pui kmlă doh, Klei kƀĭn bi mguôp bruă dŭ mdiăng hlăm êa ksĭ.

Klei nao čuă klă klơ̆ng truh kơ Australia leh anăn New Zealand mơ̆ng Khua knŭk kna Phạm Minh Chính leh anăn mô̆ ñu mbĭt hŏng Êpul bi ala gưl dlông Việt Nam srăng đru mkŏ mjing boh kdrŭt ktang, bi êlam hĭn klei mjĕ giăm hŏng Australia leh anăn New Zealand leh anăn kñăm lŏ dơ̆ng hluê ngă hdră êlan hŏng tač êngao mâo Klei kƀĭn kluôm bruă Đảng tal 13 bi êdah leh.