VOV4.Êđê- Aguah mbruê 8/3, êpul bruă mnia mblei leh anăn tuh tia Việt Nam, êpul hgŭm bruă mnia mblei Mi ti ƀuôn prŏng Hà Nội leh anăn adŭ bruă mnia mblei Mi ti Washington hrăm mbĭt mkŏ mjing klei kƀĭn trông gưl dlông bruă mnia mblei Việt Nam – Mi thŭn 2022 ti ƀuôn prŏng phŭn Hà Nội hŏng êlan online bi mguôp hŏng klă anăp.

Khua knŭk kna Phạm Minh Chính nao hgŭm leh anăn blŭ gĭt gai klei kƀĭn anăn, hlăm klei kƀĭn, Khua knŭk kna Phạm Minh Chính mñă klă, hdră êlan kluôm ênŭm mơ̆ng Việt Nam jing dlăng kơ Mi jing sa hlăm dŭm ƀĭng hgŭm bi mguôp yuôm bhăn tal êlâo. Khua knŭk kna mñă ktang, knŭk kna Việt Nam ƀuăn rơ̆ng srăng mkŏ mjing klei găl čiăng kơ dŭm knơ̆ng bruă mơ̆ng Mi duh bi liê, mnia mblei mâo boh tŭ ti ala čar Việt Nam, boh nik jing dŭm mta bruă Mi mâo klei găl leh anăn Việt Nam dôk hmăng hmưi mđĭ kyar msĕ si: pui kmlă doh leh anăn kjăp, bruă mkŏ mkra, ngăn prăk, mtô mjuăt bi hriăm, kdrăp mrâo mrang, bruă lŏ hma hŏng kdrăp mrâo mrang.

        Pô mblang: Y-Ƀel Êban