Khua knŭk kna mñă klă hŏng klei uêñ mĭn gĭt gai mơ̆ng Đảng, knŭk kna, klei gĭr mơ̆ng dŭm gưl bruă Đảng leh anăn bruă sang čư êa čar Kiên Giang, ƀuôn prŏng Phú Quốc, boh sĭt bruă duh mkra ala ƀuôn mơ̆ng Phú Quốc mâo klei đĭ kyar kdlưn hĭn, kluôm dhuôm hlăm dŭm mta bruă.

Čiăng kơ Phú Quốc đĭ kyar hmar leh anăn kjăp, hlăm wưng kơ anăp, Khua knŭk kna gĭt gai: klei gĭr mkŏ mjing phú Quốc jing krĭng knơ̆ng, bruă hiu čhưn ênguê wăl mnơ̆ng hdĭp hnơ̆ng tŭ jăk, bruă hiu čhưn ênguê êa ksĭ, jing dôk năng hdĭp, plao ksĭ hnơ̆ng alŭ wăl leh anăn tar rŏng lăn, mkŏ hŏng dŭm anôk bruă duh mkra prŏng hlăm alŭ wăl leh anăn tar rŏng lăn, bi klă anăn knăl bruă hiu čhưn ênguê Việt Nam hlăm hră ktrâo anôk hiu čhưn ênguê tar rŏng lăn. Phú Quốc čiăng lŏ dơ̆ng mlih mrâo klei mĭn mđĭ kyar hŏng ai tiê ai dưi kčưm mơ̆ng klei thâo mĭn, boh kdrŭt mơ̆ng klei mlih mrâo, ai ktang mơ̆ng mnuih ƀuôn sang, knơ̆ng bruă”.