Khua hlăm phŭn bruă kđi čar, Khua knŭk kna Phạm Minh Chính, Khua kiă kriê êpul gơ̆ng klei bi lông – pah mni gưl dlông gĭt gai leh anăn mâo klei blŭ yuôm bhăn hlăm klei kƀĭn. Hlăm klei kƀĭn trông, mâo 700 čô bi ala mâo klei bi hmô – dŭm knuh mnga mtah mda mơ̆ng hdră bi ktưn khăp kơ ala čar, jing phung mâo klei bi hmô êdah êdi, bi ala kơ dŭm êklăk êpul êya, grăp čô kdlưn hĭn hlăm djăp mta bruă, hlăm grăp krĭng kwar ala čar.

Khua knŭk kna đăo knang, mâo lu phung mâo klei bi hmô mkăn dôk jih ai duh myơr ai tiê, klei thâo mĭn kơ ala čar hlăm djăp mta bruă, hlăm grăp gưl mnuih ƀuôn sang hlăm leh anăn êngao ala čar. Khua knŭk kna hmăng hmưi phung mâo klei bi hmô amâo mâo luč klei răng, lač man leh bruă pô ngă, rơ̆ng kjăp ai tiê, lŏ dơ̆ng gĭt ktưn, amâo mâo mdei, duh myơr lu hĭn kơ yang ƀuôn, kơ ala čar leh anăn mnuih ƀuôn sang.