VOV4.Êđê -  Aguah mbruê, Khua knŭk kna Phạm Minh Chính nao leh hlăm klei kƀĭn trông tĭng mkă ala čar thŭn 2022 hŏng akŏ “Mđĭ hĭn klei bhiăn, hdră bhiăn, mđĭ hĭn boh tŭ dưn”. Klei kƀĭn dưi mkŏ hŏng 63 čar, ƀuôn prŏng hlăm kluôm ala. Leh hmư̆ dŭm klei blŭ bi trông, blŭ hlăm klei kbĭn, Khua knŭk kna Phạm Minh Chính mñă klă, bruă tĭng mkă mâo boh tŭ yuôm bhiăn, boh nik hlăm bruă čih yap, čuăl mkă hdră êlan. Dŭm bruă anei srăng hluê si klei bi klă, djŏ hruê mmông, đru hlăk mblang, čih yap boh sĭt leh anăn ba mdah dŭm klei kčĕ djŏ guôp, klă klơ̆ng, mâo boh tŭ dưn. Dŭm klei hâo hưn yuôm bhăn anei dưi mkŏ mjing mơ̆ng bruă tĭng mkă, kyuanăn Đảng, knŭk kna mâo nanao klei uêñ mĭn leh anăn yap yuôm bhăn bruă tĭng mkă hlăm klei đĭ kyar bruă duh mkra ala ƀuôn.

Y-Bel pô mblang