65 thŭn êgao, dŭm boh tŭ dưn kơ klei kreh knhâo mrâo mrang leh anăn mlih mrâo hŏng klei mbruă dưi mâo lu gru kruăk knăl hƀuê ênuk hlăm lu mta bruă phŭn mơ̆ng lăn čar, jing tur knơ̆ng, boh kdrŭt kơ klei đĭ kyar kjăp mơ̆ng lăn čar.

Blŭ hrăm hlăm knăm, Khua knŭk kna Phạm Minh Chính yap yuôm bhăn leh anăn hơêč hmưi kơ phung čih mkra, phung kreh knhâo mâo mă klei pah mni thŭn anei, mbĭt anăn čih yap leh anăn bi mni kơ klei gĭr, boh tŭ dưn dưi mâo leh anăn klei đru mguôp mơ̆ng êpul êya phung kreh knhâo mrâo mrang kơ lăn čar. Khua knŭk kna hmăng hmưi, ai tiê khăp kơ klei ksiêm duah, duh myơr kyua klei mrâo mrang mơ̆ng dŭm gưl phung nao êlâo dưi bi mlar ktang hlăm phung mda asei, jing êpul bruă kreh knhâo ară anei leh anăn mgi dih.