Khua knŭk kna Phạm Minh Chính nao hlăm knăm bi siñê hluê ngă bruă êwa čuh – pui kmlă Čuê B mơ̆ng Petrovietnam
Thứ ba, 10:28, 31/10/2023
VOV Tây Nguyên
VOV Tây Nguyên
VOV4.Êđê- Aguah mbruê 30/10, ti Hà Nội, ti anăp klei ktuê dlăng mơ̆ng Khua knŭk kna Phạm Minh Chính, Êpul grup êa pui êwa čuh Việt Nam (Petrovietnam) mbĭt hŏng dŭm ƀĭng hgŭm bi siñê leh dŭm hdră kuôl kă djŏ tuôm leh anăn hluê ngă hdră bruă êwa čuh – pui kmlă Čuê B, bi klă knhuang nao yuôm bhăn mơ̆ng hdră anei.
Blŭ hrăm hlăm knăm, Khua knŭk kna Phạm Minh Chính mñă klă, anei jing bruă yuôm bhăn, mâo boh tŭ dưn mơ̆ng dhar bruă êa pui êwa čuh mâo klei uêñ mĭn mơ̆ng dŭm gưl bruă, dhar bruă, alŭ wăl leh anăn mnuih ƀuôn sang anôk mâo hdră găn nao.
Khua knŭk kna mñă klă, hlăm hdră êlan, klei čuăl mkă mđĭ kyar kluôm bruă pui kmlă ala čar, Đảng leh anăn knŭk kna Việt Nam kñăm nanao kơ bruă mđĭ kyar kjăp bruă êa pui êwa čuh Việt Nam. Hlăm anăn, mtrŭt mjhar bruă duh bi liê mă êa pui êwa čuh ti kdriêl Việt Nam, boh nik jing dŭm anôk êa êlam, kbưi hŏng lăn hang, mđing tal êlâo kơ bruă ba êwa čuh mă mơ̆ng kdriêl lăn čar Việt Nam wĭt đru kơ bruă bi êran pui kmlă leh anăn bruă duh tia, bruă ƀuôn sang.
Viết bình luận