Bruă anei mkŏ mjing jing lŏ bi êdah ênuk gưl hƀuê ênuk Hà Nội hŏng dŭm klei kdŏ muiñ, boh nik lŏ bi hdơr jih klei dưi mơ̆ng lĭng kahan ksŭng mŭt hlăm ƀuôn prŏng sua mă hlăm hrue 10-10-1954; hưn mdah kơ dŭm knhuah gru dhar kreh ƀuôn prŏng phŭn, bi êdah kơ dŭm knuah gru dhar kreh amâo mâo êdah klă, hŏng knhuah gru djuê ana, hưn mdah kơ klei mphŭn rŭ mdơ̆ng ƀuôn prŏng Hà Nội mơ̆ng sa boh ƀuôn prŏng dlưh rai mơ̆ng klei bi blah, hŏng ai êwa bluh đĭ ktang mơ̆ng sa boh ƀuôn prŏng kyua klei êđăp ênang, mâo leh ai hdĭp bluh đĭ ktang.

“Hrue knăm dhar kreh kyua klei êđăp ênang” jing leh bruă dhar kreh yuôm bhăn mơ̆ng Hà Nội, kñăm lŏ dơ̆ng čuê dŭm klei jăk siam mơ̆ng hƀuê ênuk, lehanăn dhar kreh ƀuôn prŏng phŭn truh hŏng kluôm ala lehanăn hŏng mah jĭng tar rŏng lăn./.