Phạm Minh Chính, Khua hlăm phŭn bruă kđi čar, Khua knŭk kna nao hgŭm leh anăn blŭ hrăm hlăm klei kƀĭn. Bi ala kơ khua gĭt gai Đảng, knŭk kna, Khua knŭk kna Phạm Minh Chính hơêč hmưi, pah mni dŭm klei gĭr leh anăn boh tŭ dưn mơ̆ng phung čih mkra, êpul phung čih mkra leh anăn jih jang phung mda asei. Khua knŭk kna ktrâo klă, hlăm wưng kơ anăp, boh sĭt tar rŏng lăn, alŭ wăl đăo knăl ăt lŏ mlih hmar, dleh ksiêm dlăng.

Hlăm wưng anăn, ala čar drei dôk gĭr mkŏ mjing bruă duh mkra êngiê, čŏng pô nao mbĭt hŏng hur har, čŏng pô ñŭ kma hŏng tar rŏng lăn, klă klơ̆ng, tŭ dưn, mtrŭt mđĭ klei mlih mrâo leh anăn dưn yua, mđĭ kyar klei kreh knhâo mrâo mrang, dưn yua dŭm klei mkra mjing mrâo, dŭm kdrăp mrâo mrang. Boh nik, bruă klam mkŏ mjing lĭng kahan dôk mâo dŭm klei čuăn mrâo, mta kñăm jing mkŏ mjing lĭng kahan yang ƀuôn cách mạng, thơ̆ng kơ bruă, mrâo mrang, kjăp hlăm bruă kđi čar, klei mĭn, knhuah hdĭp, êpul êya leh anăn knuă druh.