Mơak nao hlăm Knăm mphŭn pŏk sang kdŏ mmuiñ Hồ Gươm, Khua knŭk kna Phạm Minh Chính mñă klă bruă bi liê mkŏ mjing sang kdŏ mmuiñ Hồ Gươm bi êdah klei mđing dlăng mơ̆ng Bruă Đảng kahan ksiêm gưl dlông, khua gĭt gai Phŭn bruă kahan ksiêm, Knơ̆ng bruă sang čư̆ êa ƀuôn prŏng Hà Nội hŏng bruă mđĭ kyar dhar kreh, đru hlue ngă hdră êlan mơ̆ng Đảng, Knŭk kna kơ dhar kreh, kdŏ mmuiñ leh anăn mkŏ mjing ƀuôn prŏng Hà Nội “ Đưm đă - jăk siam- mrâo mtang”.

Čiăng ba yua, mđĭ lar kei tŭ dưn mơ̆ng hdră bruă, Khua knŭk kna mtă kơ Phŭn bruă kahan ksiêm gĭt gai mâo hdră kčah kriê dlăng, ba yua klei kreh knhâo, tŭ dưn čiăng Sang kdŏ mmuiñ Hồ Gươm klă sĭt jing hdră bruă phŭn mơ̆ng êpul bruă kahan ksiêm yang ƀuôn leh anăn ƀuôn prŏng phŭn Hà Nội; mđing mkŏ mjing dŭm bruă dhar kreh, kdŏ mmuiñ, klei ngă bruă kđi čar mơ̆ng Đảng, Knŭk kna, Phŭn bruă kahan ksiêm leh anăn ƀuôn prŏng Hà Nội./.