Blŭ hrăm leh anăn kah mbha hŏng phung nai leh anăn hđeh sang hră gưl prŏng ala čar Hồ Chí Minh, Khua knŭk kna Phạm Minh Chính mơĭt kơ phung khua gĭt gai, êpul knuă druh, phung kreh knhâo, nai mtô, phung mă bruă hŏng phung hđeh sang hră gưl prŏng ala čar Hồ Chí Minh klei êmuh hrăm siă suôr leh anăn klei hơêč hmưi jăk siam hĭn.

Khua knŭk kna čih yap bi mni kơ klei gĭr leh anăn boh tŭ jăk siam mơ̆ng dŭm ênuk phung khua gĭt gai, êpul knuă druh, phung kreh knhâo, nai mtô, phung mă bruă, hđeh sang hră gưl prŏng ala čar Hồ Chí Minh mâo ldeh hlăm 28 thŭn mkŏ mjing leh anăn mđĭ kyar.

Khua knŭk kna mtă kơ sang hră mđĭ ktang klei ruah leh anăn mtô bi hriăm hđeh sang hră hriăm thâo, mđĭ ksiêm hriăm kreh knhâo klă klơ̆ng; Mđing iêô jak, ba yua leh anăn mđĭ kyar êpul phung kreh knhâo mda asei êdah êdi, phung kreh knhâo hlăm dhar bruă; mlih mrô leh anăn klei thâo anak mnuih hlăm êpul mrô sa Asi, mđĭ kyar Anôk bruă mlih mrâo mbruă ala čar.