VOV4.Êđê- Mlam mmăt mbrue (31/5) ti sang dhar kreh hđeh êlăk Hà Nội, Khua knŭk kna Phạm Minh Chính nao hlăm knăm mtrŭt mjhar mlan ngă bruă kyua hđeh êlăk, lehanăn pŏk yan mdei prŏng thŭn 2022 hŏng akŏ: “Hrăm mbĭt bi dlăng kriê, lehanăn răng mgang phung hđeh” kñăm iêo jak klei bi hgŭm mơ̆ng dŭm epeul bruă kđi čar – yang ƀuôn, êpu êya bruă, găp djuê lehanăn jih jang mnuih hrăm mbĭt bi dlăng kriê răng mgang phung hđeh. Hlăm knăm anei mâo hlăm brô 1 êbâo 200 čô phung bi ala, hlăm anăn mâo giăm 700 čô hđeh bi ala brei kơ êbeh 25 êklăk čô hđeh hlăm kluôm ala nao bi kƀĭn. Blŭ hrăm ti anăn khu aknŭk kna hơêč hmưi kơ 700 čô phung hđeh nao ti anôk bi kƀĭn, lehanăn kơ jih jang phung hđeh hlăm kluôm ala mâo klei suaih pral, mâo klei jăk yâo, mâo sa yan mdei prŏng êđăp ênang jăk jĭn. Ƀri hruê hđeh tar rŏng lăn (1/6), knăm mtrŭt mjhar anei, Khua knŭk kna lehanăn phung khua kiă kriê dŭm phŭn dhar bruă lehanăn phung khua kiă kriê knơ̆ng bruă sang čư̆ êa ƀuôn prŏng Hà Nội nao čuă phung hđeh dôk đih mdrao hlăm anôk mdrao mgŭn klei ruă bŏk brŭ, lehanăn lu phung hđeh dôk mdrao dŭm klei ruă êdei kơ djŏ Covid 19, ti sang êa drao mdrao hđeh gưl dlông./.

Pô mblang: Y-Khem Niê