Anei jing sa bruă yuôm bhăn kơ kđi čar, hlăm yang ƀuôn bŏ hŏng ai tiê klei thâo khăp mâo mkŏ mjing hlăm kluôm ala, kyua kơ klei hdĭp anak cô pô mgi dih. Khua knŭk kna Phạm Minh Chính nao hlăm knăm mphŭn rŭ mdơ̆ng: Sang hră knŭk kna čiêm rông gưl 1, lehanăn 2 ƀuôn hgŭm Yên Khương, Thanh Hóa.

Mñă Đảng, Knŭk kna mđing nanao hlăm bruă mjuăt bi hriăm kơ ala čar mđing kơ bruă mjuăt bi hriăm, mđĭ kyar klei jing anak mnuih, bi mklă atur mđĭ kyar knhuah hdĭp, bi mkă kơ klei tŭ jing. Khua knŭk kna brei thâo, Phŭn bruă kđi čar mâo leh klei bi tŭ ư kiă kriê hdră êlan rŭ mdơ̆ng dŭm boh sang hră knŭk kna čiêm rông ti 248 boh ƀuôn hgŭm ti knông lăn. Čiăng kơ jih jang sang hră dưi mă bruă jăk kơ thŭn hriăm mrâo thŭn  2026-2027, Khua knŭk kna mtă kơ phŭn bruă sang hră mơar kiă kriê duŭm alŭ wăl nao čuă, bi pral mghaih msir dŭm klei dleh dlan, klei gun kpăk đru kơ phung rŭ mdơ̆ng ngă bruă bi pral, jih jang kñăm kơ phung hđeh êdei anăn, kyua klei mdid\ kyar mnuih ƀuôn sang djăp djuê ana ti knông lăn yuôm bhăn kơ lăn čar./.

Ti Dak Lak, Kơiăng khua knŭk kna Mai Văn Chính nao ti knăm rŭ mdơ̆ng Sang hră ciêm rông phung hđeh mnuih djuê ana ƀiă mlir gưl sa lehanăn gưl dua ti să knông lăn Ia Rvê, čar Dak Lak. Ti knăm anei, Kơiăng khua knŭk kna Mai Văn Chính nao blŭ hrăm leh ti knăm rŭ mdơ̆ng sang hră lehanăn mđup brei mnơ̆ng kơ phung hđeh hriăm hră lehanăn phung nai mtô, mđĭ ai hgao klei dleh dlan, dlăng kriê čô anak hriăm jăk – mtô jăk.

Mbĭt hŏng hdră rŭ mdơ̆ng ti Ia Rvê, hlăm gưl anei, čar Dak Lak lŏ mdơ̆ng dua boh sang hră mlir gưl mkăn jing: Sang hră ciêm rông phung hđeh mnuih djuê ana ƀiă mlir să Ia Lôp mâo ênoh duh bi liê 105 êklai prăk. Sang hră ciêm rông phung hđeh mnuih djuê ana ƀiă mlir gưl să Ƀuôn Đon mâo ênoh duh êbeh 158 êklai prăk. Dŭm sang hră mâo hnơ̆ng mâo 900 truh 1.100 čô hđeh./.

-Ti čar Lâm Đồng, K’iăng khua knŭk kna Hồ Đức Phớc nao hlăm knăm mphŭn rŭ mdơ̆ng sang hră knŭk kna čiêm riêm rông gưl 1; gưl 2 Thuận An. Sa boh sang hră mrâo srăng jing anôk mjuăt bi hriăm kơ êbeh 1.000 čô hđeh mnuih djuê ƀiă ti knông lăn čar Thuận An, čar Lâm Đồng mâo mdơ̆ng hlăm 5ha, hŏng ênoh prăk duh bi liê  êbeh 225 êklai prăk.

Blŭ hrăm ti knăm rŭ mdơ̆ng k’iăng khua knŭk kna Hồ Đức Phớc lač, Đảng, Knŭk kna dlăng yuôm hdră êlan mrô sa jing bruă mjuăt bi hriăm, ƀai hĭn hlăm dŭm klei dleh dlan taih kbưi brei mâo klei mđing hĭn. K’iăng khua knŭk kna mtă kơ phŭn bruă sang hră mơar čar Lâm Đồng lehanăn dŭm êpul êya djŏ tuôm kiă kriê gĭt gai kjăp bruă rŭ mdơ̆ng sang hră, bi djŏ hdră êlan, kjăp, boh nik mâo djăp ai ktang klei dưi rŭ mdơ̆ng bi leh pral bruă rŭ mdơ̆ng sang hră hŏng klei kjăp./.