Hlăm hrua anei (31/7), Khua knŭk kna mă bruă hŏgn êpul grŭp, phung duh mkra prŏng hlăm bruă mkra mjing êa drao, êa pui India, nao lehanăn blŭ hrăm ti anôk trông čhai hŏng phung duh mkra Việt Nam – India, nao hlăm knăm mphŭn bi leh bruă rŭ mdơ̆ng sang anôk bruă bi ala knŭk kna Việt Nam ti India, lehanăn čuă êmuh mđĭ ai phung knuă druh, mnuih mă bruă ti anôk bruă bi ala, lehanăn mnuih Việt nam dôk hdĭp lehanăn mă bruă ti ala čar anei.

Mgi (1/8), Khua knŭk kna India Narendra Modi serăng kiă kriê knăm drông, lehanăn mâo klei trông čhai hŏng khua knŭk kna Phạm Minh Chính, lehanăn khua knŭk kna Phạm Minh Chính srăng mâo klei bi blŭ hrăm hŏng phung khua prŏng ala čvar India, klei hiu čhưn anei mơ̆ng khua knŭk kna jing yuôm bhan, kñăm bi klă hdră êlan sa anăn mơ̆ng Việt Nam yap klei bi mguôp mâo leh mơ̆ng đưm jing yuôm bhăn êdi, lehanăn lŏ hyuă kjăp klei bi mguôp kluôm dhuôm hŏng India, čiăng kơ dua ala čar mâo hdră êlan bi hgŭm kjăp hĭn, boh nik bruă knuă mơ̆ng dua knŭk kna./.