VOV4.Êđê- Aguah mbrue (31/7), Khua knŭk kna Phạm Minh Chính nao ksiêm dlăng, mă bruă lehanăn bi trông kơ hdră ruh mgaih klei dleh dlan, gun kpăk mơ̆ng anôk mkra mjing msei Thái Nguyên. Mphŭn rŭ mdơ̆ng mơ̆ng hlăk thŭn 2007, hŏng ênoh duh bi liê tal êlâo 3 êbâo 800 êklai prăk, ƀiădah bruă anei bă kơ ară anei ka leh mơh. leh ksiêm dlăng, Khua knŭk kna gĭt gai klei ngă bruă hŏng dŭm phŭn dhar bruă, alŭ wăl phung duh mkra, čiăng hmư̆ klei hâo mdah, mâo klei akâo kơ djăp mta bruă djŏ tuôm.

Khua knŭk kna mñă, bruă yuôm bhăn hĭn jing pral duah djăp hdră kơ klei rŭ mkra, hâo hưn hŏng gưl dlông, ksiêm dlăng tĭng mkă klei ngă bruă bi djŏ hŏng klei kreh knhâo, mâo klei mkiêt mkriêm, tŭ dưn kơ knŭk kna, lehanăn kơ phung duh mkra. Leh hmư̆ klei hâo mdah, Khua knŭk kna mñă, anei jing sa mta bruă dôk ngă sui, êmưt leh hlăm lu thŭn, năng bi mâo klei mghaih msir bi leh, ngă djŏ hŏng klei bhiăn, djŏ hŏng klei phŭn bruă kđi čar kiă kriê./.

Pô mblang: Y-Khem Niê