Hruê mbruê 12/9, lŏ dơ̆ng gưl ngă bruă ksiêm dlăng klei hmăi mơ̆ng êa lip lêč, Khua knŭk kna Phạm Minh Chính luh êa ală êjai nao ti ƀuôn Nủ, să Phúc Khánh, kdriêk Bảo Yên, čar Lào Cai.Hluê si klei hưn, čar Lào Cai mâo 6/9 kdriêk, wăl krah, ƀuôn prŏng mâo mnuih djiê. Ênoh mnuih djiê êka jing 255 čô, hlăm anăn mâo 98 čô djiê, 81 čô luč, 76 čô êka.

Knŏng ti Ƀuôn Nủ, să Phúc Khánh, kdriêk Bảo Yên, ƀuh leh 44 čô djiê. Khua knŭk kna mbĭt hŏng klei ênguôt hnĭng, nao truh ti anôk mnuih ƀuôn sang djŏ lăn dơr, mbĭt hŏng êpul lĭng kahan, kahan ksiêm tui duah asei tâo mnuih ƀuôn sang leh anăn kah mbha klei hriăm tui duah mnuih mâo klei truh hŏng dŭm êpul ngă bruă đru dŏng. Mă bruă hŏng bruă sang čư êa alŭ wăl, Khua knŭk kna mơĭt klei bi juh hŏng phung mâo klei truh. Khua knŭk kna mñă brei kñăm ngă bruă tui duah 51 čô dôk luč, hŏng phung êka srăng ngă bruă mdrao mgŭn. Bih doh wăl hdĭp mda, gang mkhư̆ klei ruă tưp, mkŏ wĭt êlan klông. Khua knŭk kna mñă kơ mặt trận čar kwar, dŭm êpul êya kriê dlăng kơ mnuih ƀuôn sang, lač jăk kơ êpul kahan ksiêm, lĭng kahan hmao đru leh kơ mnuih ƀuôn sang tinei.